Skeleti i dinozaurit 76 milionë vjeçar, së shpejti në ankand

Skeleti i fosilizuar i një të afërmi të T. rex, i cili brodhi në tokë rreth 76 milionë vjet më parë, do të dalë në ankand në Nju Jork këtë muaj, njoftoi Sotheby’s të martën.

Skeleti i Gorgosaurusit do të dalë në ankand më 28 korrik.

Gorgosaurus ishte një mishngrënës që jetonte në zonën ku sot janë Shtetet e Bashkuara perëndimore dhe Kanadaja, gjatë periudhës së vonë të Kretakut.

Ai u zbulua në vitin 2018 në formacionin e lumit Judith pranë Havre, Montana, tha Sotheby’s.

Të gjithë skeletet e tjerë të njohur të Gorgosaurusit janë në koleksionet e muzeut, duke e bërë këtë ekzemplarin e vetëm të disponueshëm për pronësi private, tha shtëpia e ankandeve.

“Në karrierën time, kam pasur privilegjin të trajtoj dhe të shes shumë objekte të jashtëzakonshme dhe unike, por pak prej tyre kanë kapacitetin për të frymëzuar mrekulli dhe për të kapur imagjinatën, si ky skelet i pabesueshëm i Gorgosaurusit”, tha Cassandra Hatton, kreu global i shkencës dhe kulturës popullore të Sotheby.

Çmimi i shitjes për fosilin shkon nga 5 deri në 8 milionë dollarë.