Sindikalistët po përgatisin padi ndaj ministrit Murati (VIDEO)

Mësimdhënësit që kanë hyrë në grevë nga e enjtja, janë shqetësuar me deklaratat e qeveritarëve se mund të pezullohen në pagë.

Sipas tyre, në mesin e grevistëve ka shqetësim, megjithëse janë të vetëdijshëm se me ligj ju lejohet greva.

Një ditë më parë, Ministri i Financave, Hekuran Murati, deklaroi se me praktikat ndërkombëtare nuk detyrohen ti paguajnë grevistët.

E tash, në një konferencë të jashtëzakonshme, kreu i Këshillit grevist të BSPK-së, Rrahman Jasharaj, paralajmëroi se do ndiqen rrugët ligjore ndaj Muratit.

Sipas sindikalistëve, deklaratat e ekzekutivit nuk kanë bazë ligjore.

Këta deklarojnë se po u bëhet presion në forma të ndryshme duke i’u kërkuar listat e atyre që kanë hyrë në grevë.