Shtëpia e Bardhë pritet të riklasifikojë grupin Houthi si një entitet terrorist global

Administrata Biden pritet të riklasifikojë grupin militant jemenas, Houthis, si një entitet terrorist global.

Kjo për shkak të sulmeve të vazhdueshme në Detin e Kuq, tha një burim i njohur për CNN të martën, transmeton Klan Kosova.

Administrata Biden e hoqi këtë definicion për Houthis pasi u vendos nga administrata Trump në javët e fundit të saj.

Në atë kohë, Sekretari i Shtetit Antony Blinken tha se vendimi për të hequr përshkrimin e grupit ishte nxitur nga shqetësimet se mund të rrezikonte mundësitë për të ofruar ndihmë thelbësore për popullin e Jemenit.