Shqipëria hedh tjetër hap të madh drejt anëtarësimit në BE

Shqipëria ka hedhur edhe një tjetër hap të madh drejt anëtarësimit në Bashkimin Evropian.

Sipas njoftimi të Ministrisë së Ekonomisë, Kulturës dhe Inovacionit e Shqipërisë, janë hapur negociatat për tetë kapituj të rinj nga Grupimi 3: Konkurrueshmëria dhe Rritja Gjithëpërfshirëse, transmeton Klankosova.tv.

Ministria e Ekonomisë, Kulturës dhe Inovacionit, e përfaqësuar në Bruksel nga zëvëndësministrat Sokol Duma dhe Olta Manjani, udhëheq negociatat për dy kapituj kyç:

Kapitulli 19 – Politika Sociale dhe Punësimi;

Kapitulli 20 – Ndërmarrjet dhe Politika Industriale.

“Këto fusha janë themelore për ndërtimin e një tregu modern dhe gjithëpërfshirës, ku zhvillimi ekonomik ecën paralel me mirëqenien sociale, mbrojtjen e punëtorëve dhe fuqizimin e sipërmarrjes. Një tjetër dëshmi e qartë e progresit të Shqipërisë dhe rolit udhëheqës të institucioneve tona në reformat që sjellin ndryshim të vërtetë për çdo qytetar”, thuhet tutje në njoftimin e kësaj ministrie.