Ftesa e Shqipërisë ndaj Serbisë në marrëveshjen ushtarake shkakton debat (VIDEO)

Ministri i Mbrojtjes i Shqipërisë, Pirro Vengu ka deklaruar se Serbisë i është bërë ftesë nga vetë ai që t’i bashkohet marrëveshjes ushtarake, të nënshkruar nga Kosova dhe Kroacia.

Lidhur me këtë, në “Kosova Today” gazetari nga Shqipëria, Flavio Qarri e quajti tradhti ndaj Kosovës këtë deklaratë, transmeton Klankosova.tv.

“Pas çdo deklarate pseudo-patriote të Ramës dhe anëtarëve të qeverisë të tij fshihet një tradhti”, tha Qarri.

Nga ana tjetër, opinionisti Frrok Çupi thotë se kjo aleancë edhe mund të jetë e pritshme.

“Kjo është një iniciativë e rëndësishme, por jemi në kohën kur në Evropë po ndërtohen aleanca”, tha Çupi.

Ndërkohë, analisti politik Azdren Shala tha se është i hapur gjithmonë për ndërtimin e urave të bashkëpunimit.