Shqipëria e nis shkëlqyeshëm pjesën e dytë, kalon në epërsi në Tbilisi

Shqipëria e ka shënuar golin e avantazhit në “Mikheil Meskhi Stadium”.

Kristian Asllani zhbllokoi rezultatin në minutën e 48-të pas asistimit nga Indrit Tuci.

Ky realizim rrit shpresat për ta mbajtur hapin për pozitën e parë, raporton Klankosova.tv.

Dy humbjet e fundit, e para pikërisht nga ky kundërshtar dhe e dyta nga Çekia, ia kanë vështirësuar tej mase gjasat për një gjë të tillë, sikurse e kanë ndezur edhe alarmin e rrezikut për të përfunduar në vendin e fundit, që do të nënkuptonte rënie në një kategori më poshtë, nga Liga B në atë C të “UEFA Nations League”.

Fitorja eventuale sonte në Tbilisi, do t’i kthente ‘shqiponjat’ brenda objektivit madhor, pasi dy ndeshjet e muajit nëntor do t’i zhvillojnë në shtëpi, ndaj çekëve dhe ukrainasëve.