Senatori amerikan Menendez akuzohet bashkë me gruan për marrje ryshfeti

Senatori demokrat i New Jersey, Robert Menendez, është paditur për pranim të qindra mijëra dollarëve si ryshfet.

Kjo është bërë e ditur nga Departamenti i Drejtësisë, ku thuhet se Menendez dhe bashkëshortja e tij, Nadine, kanë pranuar shufra të arit dhe para të gatshme nga tre biznesmenë nga New Jersey, raporton BBC, përcjell KlanKosova.tv.

Senatori dhe gruaja e tij kanë pranuar paratë “për të përfituar nga qeveria e Egjiptit”, pretendojnë prokurorët.

Akuzat ndaj Menendez vijnë pas tre vjetësh të hetimit nga ana e Departamentit të Drejtësisë.

Ai shpesh ka dalë me deklarime pro Kosovës, duke thënë se ndaj Prishtinës zyrtare bëhet presion i madh.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.