San Francisko do t’i ndalojë cigaret elektronike

Zyrtarët në San Francisko kanë propozuar një ligj të ri për ndalimin e shitjeve të cigareve elektronike, derisa efektet e tyre shëndetësore të vlerësohen nga qeveria amerikane.

Ligji duket të jetë i pari i këtij lloji në SHBA dhe kërkon të frenojë përdorimin e cigareve elektronike në rritje nga të rinjtë.

Kritikët, megjithatë, thonë se kjo do ta bëjë më të vështirë për njerëzit që të largojnë varësinë.

San Francisko, Çikago dhe Nju Jork i kishin dërguar më parë një letër të përbashkët FDA-s duke i kërkuar të hetonte efektet e cigareve elektronike në shëndetin publik.