Rusia rrit përdorimin e dronëve kamikazë, thotë zyrtari ushtarak ukrainas

Një zyrtar i lartë ushtarak ukrainas ka thënë se trupat ruse kanë vazhduar përpjekjet e njëkohshme të sulmit në disa drejtime në lindje të vendit dhe po rrisin përdorimin e dronëve kamikazë.

Kreu i forcave tokësore të Ukrainës, gjenerali Oleksandr Syrskyi, tha se Rusia, pavarësisht humbjeve të mëdha, ka sulmuar pozicionet ukrainase pranë Kupiansk.

“Përveç kësaj, armiku ka rritur përdorimin e dronëve kamikazë”, tha ai në “Telegram”, raporton Guardian, transmeton Klankosova.tv.

“Në veri dhe në jug të Bakhmutit, trupat ruse po përpiqen të marrin iniciativën duke kryer kundërsulme. Megjithatë, mbrojtësit tanë thyejnë të gjitha planet dhe përpjekjet e pushtuesve për të kapur tokën tonë”, shtoi Syrskyi.