Rinoqerontit të porsalindur i vihet emri Queenie, për nder të Mbretëreshës Elizabeth II

Parku Cotswold Wildlife në Burford, Angli, ia ka vendosur emrin Queenie një rinoqeronti të porsalindur, për nder të Mbretëreshës Elizabeth II.

Emri iu dha rinoqerontit në festimin e Jubileut Platin të Mbretëreshës, i cili shënon 70-vjetorin e saj në fronin britanik.

Queenie ka lindur nga rinoqerontët, të cilët kanë sjellë në jetë edhe katër të tjerë. Ajo është gjithashtu viçi i nëntë i rinoqerontëve që ka lindur në park.

“Ne ndihemi shumë me fat që kemi një tjetër foshnjë femër Rhino, e cila është foshnja jonë e pestë femër radhazi. Të gjithë rinoqerontët këtu janë emëruar sipas njerëzve shumë të veçantë dhe mendoj se të gjithë janë dakord që viti 2022 do të jetë gjithmonë i veçantë për shkak të jubileut platin të Mbretëreshës Elizabeth”, ka thënë Reggie Heyworth, drejtori i Cotswold Wildlife Park, përcjell Klankosova.tv

“Mendova se mund të ishte pak arrogante ta quajmë fëmijën tonë të ri Elizabeth, kështu që në vend të kësaj, e pagëzova me emrin Queenie. Mendoj se është një emër i përsosur për një zonjë Rhino”, vazhdoi ai.

Parku publikoi gjithashtu një video të Queeniet, pasi ajo u lirua nga një rrethim për herë të parë.