Reduktohet programi i festivalit të Butrintit

Festivali “Butrinti 2000” që mbahet në Sarandë shtrihet sivjet mes datave 18 dhe 22 korrik dhe në të do të marrin pjesë trupa teatrale nga Italia, Maqedonia e Shqipëria.

Sivjet për shkak të buxhetit të zvogëluar në 10.000 euro do të jepen vetëm 5 shfaqje.

Dy prej tyre janë shfaqje shqiptare kurse tri të tjerat nga vendet mysafire.

Deri sivjet si traditë e festivalit ishte që të shfaqeshin 10 deri në 12 shfaqje, por aso kohe buxheti i festivalit ishte rreth 9 milionë lekë të reja, shkruan shqiptarja.com, transmeton Klan Kosova.