Rama batuta me Macronin për Trumpin: Si nuk më urove për paqen me Azerbajxhanin?

Kryeministri i Shqipërisë, Edi Rama po merr vëmendjen në samitin e Komunitetit Politik Evropian në Danimarkë, dhe kjo pasi një video e tij duke biseduar me presidentin francez, Emanuel Macron u bë virale.

Rama në video dëgjohet duke i thënë Macronit të kërkojë falje, dhe shohim po ashtu një president tejet konfuz duke pyetur “pse?”, transmeton Klankosova.tv.

“Sepse nuk na përgëzuat kur arritëm marrëveshjen e paqes midis dy vendeve. Dhe Presidenti Trump punoi shumë për këtë marrëveshje!”, është shprehur Rama duke tallur kështu Trumpin për keqinterpretimin e tij për një paqe mes Shqipërisë dhe Azerbajxhanit.

“Më vjen keq pra!”, i thotë Macroni me buzëqeshje Ramës.

Derisa kryeministri i Shqipërisë vazhdon tutje duke thënë: Ai punoi shumë. Kishim 500 vjet në konflikt!

Albanian PM Rama to Macron:

You should congratulate Ilham Aliyev and me.

Trump has ended the conflict between us. https://t.co/6GhybUMMRe pic.twitter.com/lpjObSNFFt

— Clash Report (@clashreport) October 2, 2025