Qyteti ylber i Meksikës

Qeveria meksikane u ka bërë ftesë të gjithë artistëve të rrugës, që të pikturojnë një mural të madh, në mënyrë që të reduktohet dhuna, dhe rezultatet janë mahnitëse, raporton britanikja Telegraph, transmeton Klan Kosova.

Përderisa shumica e qeverive janë të dedikuara që t’i reduktojnë grafitet e rrugëve, në Meksikë, autoritetet kanë iniciuar një organizim, ku i kanë ftuar të gjithë artistët që të pikturojnë atë që sipas tyre, është murali më i madh në shtet.

I pikturuar nga një grup gjermanësh, më shumë se 209 shtëpi në një kodër të Palmitas në Pachuaca, e cila ishte një lagje depresive, murali i ka dhënë hije tjetër kësaj pjese, dhe ka për qëllim që të reduktojë dhunën në mesin e njerëzve të rinj.

Murali në tërësi përfshinë një sipërfaqe prej 20,000 metra katrorë dhe artistët kanë përdorur rreth 20,000 litra ngjyrë për të krijuar veprën magjepsëse të cilën e kanë quajtur “El Macro Mural Barrio de Palmitas”.

Afresku të cilin e ka financiar qeveria, ka dashur dy muaj kohë që të kompletohet.

Ata shpresojnë që projekti t’i ndihmojë të rinjtë që të përdorin artin si mënyre të të shprehurit.