Putini dhe Jinping konfirmojnë pjesëmarrjen në samitin për klimën të organizuar nga SHBA

Presidenti kinez Xi Jinping dhe ai rus Vladimir Putin konfirmuan se po marrin pjesë në samitin dyditor të organizuar nga SH.B.A. mbi klimën.

Shtëpia e Bardhë tha se 40 udhëheqës botërorë ishin të ftuar në konferencë, e cila do të transmetohet drejtpërdrejt për publikun.

“Presidenti Biden ndërmori veprim ditën e tij të parë në detyrë për të kthyer Shtetet e Bashkuara në Marrëveshjen e Parisit. Ditë më vonë, më 27 janar, ai njoftoi se së shpejti do të mblidhte një samit udhëheqësish për përpjekjet e ekonomive të mëdha për të trajtuar krizën e klimës, “tha Shtëpia e Bardhë në një deklaratë.

“Samiti i Udhëheqësve mbi Klimën do të nënvizojë urgjencën – dhe përfitimet ekonomike – të veprimit më të fortë të klimës. Do të jetë një moment i rëndësishëm në rrugën drejt Konferencës së Kombeve të Bashkuara për Ndryshimin e Klimës (COP26) këtë nëntor në Glasgow,” vazhdoi ajo.

Gjatë fushatës, Biden i bëri ndryshimet klimatike si një çështje qendrore, duke vendosur një qëllim për të siguruar që Amerika. të arrijë emetime neto-zero deri në vitin 2050.

Ai nënshkroi disa veprime ekzekutive javën e tij të parë në zyrë në lidhje me krizën e klimës,raporton CNN, transmeton Klan Kosova