Publikohet hulumtimi i gjuhës së urrejtjes në internet ndaj grave gazetare

Asociacioni i Gazetarëve të Kosovës (AGK) dhe Rrjeti i Grave Gazetare të Kosovës kanë lansuar hulumtimin “Monitorimi i Mediave: Analizë e gjuhës së urrejtjes në internet ndaj grave gazetare, bazuar në komente reale, postime dhe përmbajtje mediale”.

AGK ka theksuar se gratë gazetare përballen çdo ditë me fyerje seksiste, kërcënime e diskreditim profesional, transmeton Klankosova.tv.

“Seksizmi i maskuar si humor normalizon urrejtjen. Nëse një “shaka” poshtëron gratë, ajo kontribuon në diskriminim”, thonë ndër të tjera nga AGK.