Provokimi “kishtar”: Urdhërarrest për bedelin e Dodikut në Pejë

Patrikanën e Pejës, Nenad Neshiq e shfrytëzoi për thirrje nacionaliste karshi shtetit të Kosovës.

Madje kjo e fundit, për ministrin e punëve të brendshme të Bosnjës dhe Hercegovinës, vazhdon të jetë akoma pjesë e Serbisë, raporton Klan Kosova.

Kjo bëri që Prokuroria Themelore e Pejës të lëshojë urdhër arrest ndaj tij.

Kësisoj, prokurori njofton se lënda e tij do të dërgohet në Prokurorinë Speciale.

Dhe ndaj të njëjtit, tash e tutje do të merren masa posa ta shkelë kufirin kosovar nga autoritetet e vendit.

Këtë vepër, politikani nga Bosnja e kishte bërë më 16 tetor të këtij viti, ndërkaq hetimet kishin nisur pasi në dorë të prokurorit, Dorjan Juniku ranë videot e deklarimeve. /Klankosova.tv

Kronikë e përgatitur nga Altiana Zogaj.