Projektligji për Energji miratohet në Komisionin për Ekonomi

Me pesë vota pro, Komisioni për Ekonomi ka miratuar në parim Projektligjin për Energjinë.

Sipas Ministres së Ekonomisë, Artane Rizvanolli, ky projektligj synon të forcojë mbrojtjen e konsumatorëve dhe të harmonizojë sektorin energjetik me standardet e Bashkimit Evropian, transmeton Klankosova.tv.

Megjithatë, gjatë diskutimit janë shprehur kritika nga deputetët e opozitës, të cilët kanë ngritur shqetësime për centralizim të kompetencave dhe dobësim të rolit të rregullatorit.