Prishtina i bën bashkë motrat basketbolliste (VIDEO)

U bënë bashkë pas katër vjetësh. Bile dy motrat po i bënë bashkë një skuadër e basketbollit.

Zërina Shatri u kthye në Prishtinë nga Shtetet e Bashkuara të Amerikës, ku ishte nga viti 2018 si pjesë e Kolegjit “Our Lady of the Lake”.

Te Prishtina ajo e gjen motrën, prandaj fitoren e humbjen do ta përjetojë bashkë me Era Shatrin.

Me kthimin e Zërinës te skuadra e Prishtinës, Era e braktisi Bashkimin për t’u bërë bashkë.

Të dyja bashkë në fundjavë do t’i shohim në parket në përballjen e xhiros së parë ndërmjet Prishtinës dhe Vëllaznimit.