Policia konfirmon vrasjen në Vushtrri, viktima është 19-vjeçar

Policia ka konfirmuar vrasjen në Vushtrri, duke thënë se ka ndodhur në  rrugën ” Galip Badivuku”.

Këtë për Klankosova.tv e ka konfirmuar zëdhënësi i policisë për rajonin e Mitrovicës, Avni Zahiti, duke njoftuar se viktima është i moshës 19-vjeçare.

“Rreth orës 20:35 policia ka pranuar informatën për të shtëna me armë zjarri. Ngjarja ka ndodhur në rrugën “Galip Badivuku” në Vushtrri”.

“Nga hetimet fillestare bëhet e ditur se si pasojë e plagëve të marra nga arma e zjarrit ka humbur jetën viktima mashkull kosovar rreth 19-vjeçar”, thuhet në konfirmim./Klankosova.tv.