Plagoset me armë zjarri një person në Podujevë, arrestohet i dyshuari

Një burrë është arrestuar në Podujevë, pasi i njëjti dyshohet se ka plagosur një person.

Viktima ka pësuar lëndime në këmbë që dyshohet se janë shkaktuar nga arma dhe ka pranuar tretman mjekësor, njofton Klankosova.tv.

Njësitë relevante policore kanë dalë në vendin e ngjarjes ku kanë gjete dhe sekuestruar dy gëzhoja të fishekëve, thuhet në raportin 24 orësh të Policisë së Kosovës.

I dyshuari pas intervistimit me vendim të prokurorit është dërguar në mbajtje, rasti vazhdon të hetohet.