Piktura e Banksyt ‘vetë-shkatërrohet’ në mënyrë artistike (VIDEO)

Piktura ‘Vajza me Ballon’ e artistit të njohur misterioz, Banksy, u shit në një ankand në Londër për më shumë se një milion euro.

Mirëpo menjëherë pasi ra çekiçi që konfirmoi shitjen e veprës së njohur, ajo u çmontua papritur.

Gazeta e njohur Financial Times, ka raportuar se brenda kornizës dikush ka instaluar një mekanizëm që u aktivizua nga distanca me qëllim për ta shkatërruar pikturën, transmeton Klan Kosova.

Një teori tjetër është se vetë artisti Banksy i cili ndodhej brenda sallës e ka aktivizuar pajisjen.

Gazeta Art, ka shkruar se një njeri i veshur me të zeza, i cili po mbante kapelë dhe syzë të diellit, ishte parë duke u kacafytur me rojet e sigurisë pranë hyrjes, menjëherë pas incidentit.

Zakonisht ankandi anulohet kur një vepër e artit dëmtohet para se të largohet nga salla e shitjes. Mirëpo drejtori i galerisë, Alex Branczik, ka një tjetër mendim.

Ai ka thënë se Banksy është artisti më i madh në Britani dhe se shfaqja ‘vetë-shkatërruese’ e pikturës ishte pjesë e artit të gjeniut Banksy.

“Ju mund të argumentoni se tani kjo vepër është bërë edhe më e vlefshme”, ka shtuar Branczik.

View this post on Instagram

#banksy waited until the hammer fell and it sold before secretly entering into the room, hitting a button, and watching his near million-dollar painting shred itself! Genius

A post shared by Benjamin Schaab (@shabah1035) on Oct 5, 2018 at 8:24pm PDT

klankosova.tv