Përvjetori i masakrës në Lybeniq të Pejës, dy krerët e shtetit shmangin përshëndetjen

Sot shënohet 27-vjetori i Masakrës së Lybeniqit në Pejë, një nga ngjarjet më tragjike të luftës në Kosovë.

Në nderim të civilëve të vrarë, homazhe në këtë fshat bënë presidentja e Kosovës, Vjosa Osmani, dhe kryeministri Albin Kurti.

Megjithëse të pranishëm në të njëjtin vend, dy krerët e shtetit nuk u përshëndetën me njëri-tjetrin. Kështu raportoi nga vendi i ngjarjes gazetarja e Klan Kosovës, Endrita Bajrami.

E pyetur nga gazetarja lidhur me këtë situatë, presidentja deklaroi se nuk e kishte parë kryeministrin Kurti.

“Nuk e kam parë, por kemi bashkëpunim”, u shpreh ajo./Klankosova.tv