“Përpjekjet për të siguruar një mjedis të sigurt vazhdojnë”, thotë misioni amerikan në NATO NULL NULL 18.02.2025 15:30 18.02.2025 15:30 Misioni i Shteteve të Bashkuara të Amerikës në Aleancën Veri-Altantike (NATO) ka theksuar se kjo javë shënon 17 vjetorin e shpalljes së pavarësisë së Kosovës, një dëshmi e qëndrueshmërisë dhe vendosmërisë së popullit të Kosovës. Në një postim në X, ky mision ka shprehur mirënjohjen për punën e forcave amerikane dhe aleatëve për punën në Kosovë në kuadër të misionit të KFOR-it. “ Ne gjithashtu shprehim mirënjohjen tonë të përzemërt për forcat e SHBA-së dhe aleatëve për punën e tyre të paçmuar përmes misionit të KFOR-it, një operacion për mbështetjen e paqes i nisur në vitin 1999. Përpjekjet e tyre vazhdojnë për të siguruar një mjedis të sigurt për të gjitha komunitetet që jetojnë në Kosovë”, thuhet në postimin e këtij misioni, transmeton Klankosova.tv.
