E hëna nis freskët, pasditja shoqërohet me reshje dhe bubullima

E hëna do të karakterizohet nga mot i ndryshueshëm, me vranësira dhe intervale me diell gjatë pjesës më të madhe të ditës.

Sipas parashikimeve të Institutit Hidrometeorologjik të Kosovës, vranësirat do të shtohen gradualisht dhe në disa zona pritet të sjellin reshje lokale shiu, të shoqëruara me shkarkime rrufesh, transmeton Klankosova.tv.

Temperaturat minimale do të lëvizin ndërmjet 13 dhe 16 gradë Celsius, ndërsa ato maksimale do të arrijnë nga 26 deri në 29 gradë Celsius.

Era do të fryjë nga drejtimi veriperëndimor me shpejtësi prej 1 deri në 11 metra në sekondë.