Përmbyset vetura, dy persona lëndohen nga një aksident i rëndë në Durrës

Një aksident i rëndë ka ndodhur mbëmjen e kësaj të hëne në rrugën “Vllazërimi” në Durrës, ku dy automjete janë përplasur me njëra-tjetrën.

Si pasojë e goditjes së fortë, njëra prej makinave është përmbysur në mes të rrugës, me ç’rast dy persona janë lënduar.

Dy të lënduarit janë transportuar me urgjencë drejt Spitalit Rajonal të Durrësit, ndërsa gjendja shëndetësore nuk dihet ende.

Në vendngjarje ndodhen shërbimet e Policisë, të cilat kanë nisur hetimet dhe po punojnë për zbardhjen e plotë të rrethanave dhe shkaqeve të aksidentit.