Përfundon numërimi edhe në Himarë, kryeson PS-ja

Në Bashkinë e Himarës procesi i numërimit të kutive të votimit ka përfunduar.

Tv Klan raporton se Partia Socialiste ka kryesuar me 3196 vota. E dyta vjen Partia Demokratike me 2370 vota.

Sakaq, partitë e tjera kanë marrë në total 668 vota. Janë shënuar gjithashtu 214 vota të pavlefshme.Pritet që të nisë numërimi i votave për kandidatët e subjekteve politike.Harta e qarkut Vlorë deri më tani duket ngjyrë rozë, si simbolizuese e mbizotërimit të votave më të shumta të Partisë Socialiste.