Për shkak të grevës ky shtet tërhiqet nga Eurovision 2022

Transmetuesi izraelit, KAN, përmes një komunikate ka thënë se për shkak të grevës së vazhdueshme të Ministrisë së Punëve të Jashtme, delegacioni izraelit nuk do të marrë pjesë në Eurovision në Torino.

Ministria e Punëve të Jashtme brenda Izraelit ka disa muaj që është në grevë, për shkak të mosmarrëveshjeve të sindikatave për kushtet e punës, shkruan Prive. Kjo ka vonuar shërbime të ndryshme të Ministrisë së Jashtme, duke përfshirë sigurinë, dhe këtu qëndron çështja tek Eurovisioni.

Delegacioni izraelit, i cili përfshin Michael Ben David, i cili planifikoi të performonte “I.M” për Izraelin në Torino, ka vendosur që ata nuk mund të marrin pjesë në konkursin në Torino. Kjo për shkak të mungesës së sigurisë për shkak të grevës së vazhdueshme.