PDK e nis fushatën pa tubim (VIDEO)

Partia Demokratike e Kosovës sot ka nisur zyrtarisht fushatën elektorale për zgjedhjet e 17 tetorit.

Kryetari i PDK-së Memli Krasniqi atë e nisi vetëm, pa kandidatët për shkak të masave kundër COVID-19.

Ai nëpërmjet një videoadresimi iu kërkoi kandidatëve për kryetar dhe asamblistë që të mos organizojnë tubime elektorale masive dhe të respektojnë masat kundër pandemisë.

E pavarësisht kësaj forme të komunikimit me zgjedhësit, Memli Krasniqi është optimist për rezultatin përfundimtar.

I pari i PDK-së deklaroi se kandidatët e kësaj partie për kryetar të komunave kanë në fokus kërkesat, mirëqenien e qytetarëve dhe interesat e tyre lokale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.