Oliver Stone: Ryan Gosling po humb kohë duke bërë filma si “Barbie”

Regjisori Oliver Stone ka sugjeruar që aktori Ryan Gosling po humb kohë duke bërë filma si “Barbie”.

Goslingu luajti rolin e Kenit në filmin e vitit të kaluar nën regjinë e Greta Gerwigut, duke u nominuar për BAFTA për aktorin më të mirë në rol dytësor.

Mirëpo Stone e ka kritikuar filmin por edhe Goslingun për zgjedhjet e tij të fundit.

“Ryan Goslingu po e humb kohën e tij nëse po e bën atë punë për shkak të parave”, ka thënë Stone për City A.M.

“Ai duhet të bëjë filma më seriozë. Ai nuk duhet të jetë pjesë e infantilizimit të Hollivudit”.