Novobërda vend unik i Ballkanit

Zëvendësministri i Kulturës,  Rexhep Hoti ka vizituar sot komunën e Novobërdës ku ka vëzhguar nga afër punimet në Kalanë e qytetit.

Pos kësaj ai i shoqëruar edhe nga i pari i  Novobërdës, Svetislav Ivanoviq, kanë vizituar një sërë objektesh kulturore atje  si, Shtëpinë e Vjetër, Tyrben e Mehmetit të Vjetër dhe Varret, Xhaminë si dhe Katedralen

Duke folur për rëndësinë dhe vlerat kulturore që posedon Novobërda,Hoti tha se aty ekziston një mesjetë e hershme e një qytetërimi të lashtë.

“Ky është një nga komplekset më atraktive në vend, është një investim shumë i madh për shtetin e Kosovës, është një perspektivë që ky kompleks do të dëshmojë herët a vonë një Ballkan unik”, u shpreh ai, transmeton Klan Kosova.