Norma vjetore e inflacionit në ShBA regjistron rënie

Çmimet e konsumit në Shtetet e Bashkuara të Amerikës ishin 7.1 përqind më të larta në muajin nëntor, krahasuar me periudhën e njëjtë të vitit të kaluar.

Megjithatë norma vjetore e inflacionit ka shënuar rënie nga muaji paraprak, kur shënonte 7.7 përqind, thonë të dhënat e Departamentit të Punës në ShBA,, transmeton KlanKosova.tv.

Kjo është rritja më e vogël e inflacionit në ekonominë më të madhe në botë që prej dhjetorit të 2021-ës.

Norma vjetore e inflacionit kishte arritur pikun në qershor prej 9.1 përqind, që ishte kërcimi më i madh që prej nëntorit të 1981-ës.