Një vit nga vdekja, promovohet dokumentari për Shaqir Hotin (VIDEO)

Sot është bërë një vit që nga vdekja e kantautorit, instrumentistit dhe krijuesit të instrumenteve muzikore, Shaqir Hotit.

E pikërisht në këtë ditë, për nder të tij do të bëhet promovimi i dokumentarit “Okarina e Runikut”, përcjell Klankosova.tv.

Kjo është bërë e ditur nga Ministria e Kulturës, Rinisë dhe Sportit, ku thuhet se promovimi i këtij dokumentari do të bëhet në Kino Armata, duke filluar nga ora 16:00.

Shaqir Hoti me krijimin e tingujve muzikorë i argëtoi kosovarët për dekada me radhë.

Okarina, instrumenti i cili ishte e veçanta e tij iu la në varr ku njeriu i njohur si “Baca Shaqë”, pushon në Rogovë të Hasit në Gjakovë.

Instrumentisti vdiq moshën 85 vjeçare, pasi nuk arriti t’i mbijetojë luftës me virusin COVID-19.