Një orë ushtrime fizike në javë ju shpëtojnë nga depresioni

Një studim ka gjetur se një orë ushtrime fizike në javë mund të parandalojnë depresionin.

Ky është studimi më i madh që është bërë ndonjëherë në llojin e tij.

Në të u përfshinë më shumë se 30 mijë të rritur, ku u gjet se ata që nuk praktikojnë ushtrime fizike kanë 44 % më shumë probabilitet të vuajnë nga depresioni krahasuar me ata që bënin ushtrime fizike dy ose tre herë në javë.

Kërkimi, i publikuar në American Journal of Psichiatry, tregoi gjithashtu se 12 % e rasteve me depresion mund të ishin parandaluar duke bërë rregullisht ushtrime fizike për një kohë të shkurtër, shkruan Living.al.

“E dimë prej kohësh se ushtrimet fizike luajnë një rol në trajtimin e simptomave të depresionit. Por kjo është hera e parë që kemi përcaktuar potencialin parandalues të aktivitetit fizik në reduktimin e nivelit të depresionit”, ka thënë autori kryesor i këtij studimi, profesori i asociuar Samuel Harvey.

“Përfundimet janë emocionuese, pasi tregojë se edhe një kohë e shkurtër ushtrimesh fizike, një orë në javë, mund të luajë rol të rëndësishëm në mbrojtjen kundër depsesionit”.