Nis Karvani i 17-të i shkrimtarëve të fëmijëve”Agim Deva” (VIDEO)

Me nga një poezi lexuar para nxënësve, shkrimtarët për fëmijë nisën rrugëtimin e 17-të me radhë të Karvanit për fëmijë që mban emrin e Agim Devës.

Për të nderuar shkrimtaret, edhe nxënësit e shkollës fillore “Hasan Prishtina” të kryeqytetit përgatitën program artistik.

Koordinatori i këtij karvani duke kujtuar shkrimtarët që  nuk janë gjallë tha se manifestimi ka për qëllim nxitjen e dashurisë dhe përkushtimin e fëmijëve ndaj librit, njofton Klan Kosova.

Pjesëmarrëse në takimin letrar ishte edhe zyrtarja e lartë për Kulturë në komunën e Prishtinës, Drita Rudi.

Sipas saj manifestimi tradicional po bënë shumë për të stimuluar shkrimtarët që të shkruajnë për fëmijë.

E aktivitetet për këta të fundit nuk kanë munguar nga kjo  drejtori.

Kronikë nga Klan Kosova.