Ngritja e peshave ulë rrezikun për sulm në zemër

Ngritja e peshave për më pak se një orë në javë ulë rrezikun për sulm në zemër për 70%, kjo sipas një studimi të ri.

Ekspertët gjithashtu kanë thënë se bartja e çantave të rënda, siç mund të jenë ato të shopingut, për kohë të njëjtë ofrojnë përfitimet e njëjta.

Shkencëtarët në Universitetin e Iowa-s kanë analizuar lidhjen në mes të ushtrimeve të rezistencës dhe sëmundjeve kardiovaskulare tek 13 mijë të rritur.

Ata kanë gjetur se këto ushtrime ulin gjasat për zhvillimin e shtypjes së lartë të gjakut, nivelin e lartë të sheqerit në gjak si dhe largon yndyrat e tepërta përreth belit.