Netanyahu kërkon pushim dyjavor nga procesi gjyqësor për korrupsion

Kryeministri izraelit Benyamin Netanyahu thuhet se ka kërkuar një pushim dyjavor në procesin gjyqësor që po zhvillohet ndaj tij për akuzat nën korrupsion, i cili do të rifillojë në Jerusalem të hënën.

Sipas një kërkese të bërë nga avokati i kryeministrit izraelit, Amit Hadad, siç citohet në Times of Israel, Netanyahu duhet t’ia kushtojë kohën e tij të menjëhershme “çështjeve diplomatike, kombëtare dhe të sigurisë” në periudhën e “zhvillimeve rajonale dhe globale”.

Këto çështje përfshijnë “menaxhimin e luftës në Gaza dhe trajtimin e çështjes së pengjeve”, shkruan Hadad në kërkesën drejtuar Gjykatës së Qarkut të Jerusalemit.

Netanyahu po gjykohet nën akuzat e mashtrimit dhe shkeljes së besimit, si dhe pranimit të ryshfetit në formën e mbulimit mediatik. Ai ka mohuar çdo shkelje.

Kërkesa e tij vjen pas një thirrjeje të paprecedentë nga Donald Trump për anulimin e akuzave, duke e përshkruar çështjen kundër Netanyahut si një “gjueti shtrigash”.

Netanyahu falënderoi Trumpin për ndërhyrjen e tij sot, duke shkruar se ishte “thellësisht i prekur” nga “mbështetja e sinqertë e presidentit amerikan për mua” në X, shkruan Skynews, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.