Nesër 26 mijë semimaturantë i nënshtrohen testit të arritshmërisë (VIDEO)

Rreth 26 mijë nxënës të klasave të nënta nesër do t’i nënshtrohen testit të arrritshmërisë.

Testimi për semi-maturantët do të fillojë në ora 10:00, në 156 qendra të testimit anekënd Kosovës.

Kohëzgjatja e testit të arritshmërisë do të jetë dy orë e gjysmë.

Publikimi i rezultateve të testit të arritshmërisë do të bëhet më 7 qershor.

“Ajo që nxënësit duhet ta kenë parasysh është që nesër nuk duhet ta kenë telefonin me vete”.

Kështu bëri të ditur në një intervistë për Klan Kosova, Fatmir Elezi, Udhëheqësi i Divizionit për Standarde dhe Vlerësim në Ministrinë e Arsimit, Shkencës, Teknologjisë dhe Inovacionit.