Nërtesa e qeverisë me flamurin e BE-së, Kosova shpreh solidaritet për viktimat dhe të prekurit me Covid-19

Ndërtesa e Qeverisë së Kosovës sonte është ndriçuar me ngjyrat e flamurti të Bashkimit Evropian.

Këtë e bëri të ditur vetë kreu i qeverisë Albin Kurti, i cili tha se ky veprim po bëhet në shenjë solidariteti me mbi 800 mijë të infektuarit dhe më shumë se 70 mijë viktimat e koronavirusit në Evropë.

Kurti shkroi se “sonte Kosova shpreh solidaritet me Bashkimin Evropian”.

Ai gjithashtu kujtoi ndihmën që BE i ka ofruar Kosovës në luftimin e Covid-19.

“Gjatë kësaj krize shëndetësore BE ka zotuar ndihmë në vlerë prej 5.2 milionë euro për të luftuar COVID-19 dhe 63 milionë euro për të lehtësuar ndikimin socio-ekonomik të shkaktuar nga virusi Corona”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.