Negociatat për vazhdimin e kontratës drejt dështimit, Juve mund ta humb yllin e skuadrës

Sipas një raportimi të La Gazzetta dello Sport, negociatat për rinovimin e kontratës mes Juventusit dhe yllit turk Kenan Yildiz janë aktualisht të bllokuara.

“Bianconerët” po hasin vështirësi për të përmbushur kërkesat e lojtarit.

Hapi vendimtar drejt rinovimit të kontratës së Yildiz deri në vitin 2030 është treguar më i ndërlikuar se sa pritej, pasi bisedimet midis CEO-së së Juventusit, Damien Comolli, dhe përfaqësuesve të lojtarit janë ndërprerë.

Ylidiz pretendon të fitojë 7 milionë euro në vit nga kontrata e re, por Juve ka arritur t’i ofrojë 6 milionë.

Aktualisht, Yildiz ka një kontratë që zgjat deri në vitin 2029, me një pagë prej 1.7 milionë eurosh plus bonuse, duke e renditur atë në vendin e 19-të në listën e pagave të klubit.

Gazeta sugjeron se vetëm një ndërhyrje personale nga CEO i Exor, John Elkann, mund ta zhbllokojë situatën.

Ngërçi në negociata ka tërhequr vëmendjen e disa prej klubeve më të mëdha evropiane. Raportimi tregon se Chelsea, Arsenal dhe Real Madrid pritet të garojnë për nënshkrimin e Yildiz verën e ardhshme.

Thuhet se Chelsea kishte ofruar tashmë 67 milionë euro për lojtarin në korrikun e kaluar dhe është i gatshëm të përballet me Real Madridin dhe Arsenalin në një ankand verën që vjen.