Në aktivitetin që mori pjesë u përdor termi “Kosova e Metohija”, Szunyog pa koment (VIDEO)

Shefi i Zyrës së Bashkimit Evropian në Kosovë, Tomas Szunyog ishte mysafiri më i rëndësishëm, që shkoi në Qendrën Kulturore Serbe në Prishtinës, të shtunën.

Ai u ftua që të mësojë më shumë për kulturën e traditat e serbëve të Kosovës.

Misioni zor se u arrit pasi gjithë diskutimi u bë veç në gjuhën serbe.

Por, sigurt është që ky e kuptoi se këtu, Kosova nuk u cilësua e pavarur por iu referua me termin “Kosova e Metohija”

“Unë mora ftesën për këtë ngjarje isha i interesuar të shoh këtë pjesë të kulturës, nuk dua të komentoj çështje politike. Atë që pashë këtu më pëlqeu”,  tha Tomas Szunyog, Shefi i zyrës së Bashkimit Evropian në Kosovës.

Prezantimi i trashëgimisë jomateriale të serbëve të Kosovës, pati edhe për komunën e Prishtinës, Mitrovicës, Pejës dhe Prizrenit.