Ndikimi i vërtetë i dritës blu në sytë tuaj

Vitin e fundit, shumë prej nesh kanë kaluar më shumë kohë në shtëpi se zakonisht, dhe si rrjedhojë, sytë tanë kanë pasur shumë më tepër ekspozim ndaj ekraneve digjitale. Pavarësisht nëse ke kaluar më shumë kohë për të lëvizur nëpër rrjete sociale nga mërzia ose kompjuterët janë bërë pjesë përbërëse e punës sonë, ato janë arsyet që shumë prej nesh po përballemi me problemet e syve.

Në episodin më të fundit të Podcast-it “A Healthier Michigan”, organizuar nga Chuck Gaidica, ai dhe Dr. Paul Kimbro, drejtor i shërbimeve klinike për Henry Ford OptimEyes, diskutuan ndikimin e dritës blu në sytë tanë.

Çfarë është drita blu?

“Drita blu është kudo. Është në telefonat tanë, është në tableta. Është në llambat tona fluoreshente. Dhe ndoshta më e rëndësishmja, është në diell”, tha Dr. Kimbro. “Ky është emetuesi më i madh i dritës blu që hasim çdo ditë, por viti 2020 e ka rifokusuar vërtetë bisedën në ekranet tona”.

Sa e dëmshme është drita blu për sytë tanë?

Teksa mund të jetë shumë herët për të ditur me siguri, studimet sugjerojnë se drita blu dëmton retinën në pjesën e pasme të syrit. Disa studiues po tregojnë për efektet e panjohura të ekspozimit kumulativ. Nëse po kaloni shumë kohë para një ekrani dhe ndjeni tendosje të syve, thatësi, djegie, lot, shikim të turbullt, dhimbje koke, këto janë shenja që mund t’ju duhet t’i jepni syve tuaj pak pushim.

“Unë nuk mendoj se mund ta fiksojmë atë në mënyrë strikte në dritën blu”, tha Dr. Kimbro, duke shtuar, “Unë mendoj se mund t’ia atribuojmë atë kohës që po shpenzojmë në pajisje, sa pak vezullojmë kur jemi të fokusuar në këto pajisje. Pra, këto lloj gjërash janë ndoshta të rëndësishme”.

Ai rekomandon praktikimin e rregullit 20-20-20, që do të thotë çdo 20 minuta, përpiquni të shikoni 20 metra larg për rreth 20 sekonda. Kjo lejon që sistemi i fokusimit në sy të rivendoset, shtresa e lotit të rinormalizohet dhe shpejtësia e pulsimit të rivendoset.

“Në fund të ditës, nëse jemi në gjendje ta bëjmë këtë, ndoshta do të largohemi nga pak nga këto simptoma digjitale të tendosjes së syrit”, tha Dr. Kimbro. “Shumica e ofruesve të kujdesit për sytë po bëjnë thirrje për më pak kohë para ekranit dhe më shumë aktivitet fizik jashtë. Dhe unë mendoj se dëshmitë po rriten për të mbështetur atë rekomandim”.