Ndërprerja e energjisë elektrike në Spanjë, vdes e gjithë familja

Energjia elektrike është rikthyer pas ndërprerjes së madhe të së hënës në Gadishullin Iberik. Por ndërprerja masive e energjisë elektrike la të paktën tre persona të vdekur.

Siç raportojnë mediat spanjolle, në qytetin e vogël të Taboadelës në Spanjën veriperëndimore, tre anëtarë të një familjeje vdiqën nga helmimi me monoksid karboni.

Viktimat janë një çift i martuar (81 dhe 77 vjeç) dhe djali i tyre 56-vjeçar. Anëtari më i vjetër i familjes kishte nevojë për një ventilator. Kur u ndërpre energjia elektrike, u ndez një gjenerator emergjence me benzinë, tymi i të cilit me sa duket u përhap pa u vënë re në të gjithë shtëpinë.

Ndërprerja e energjisë elektrike filloi të hënën në orën 12:33 të mesditës dhe preku të gjithë Gadishullin Iberik, duke prekur pothuajse 55 milionë njerëz.  / Klankosova.tv