NASA shkrep formimin e yjeve

Teleskopi Hapësinor James Webb i NASA-s ka kapur një protoyll që më parë ishte fshehur nga teleskopët e tjerë hapësinorë dhe u jep astronomëve njohuri të reja mbi formimin e një ylli.

Fotoja, e kapur duke përdorur kamerën Infra të Kuqe të Webb-it, tregon protoyllin duke mbledhur material në rrugën e tij për t’u bërë yll.

“Protoyjet si këta, të cilët janë ende të mbështjellë në një re të errët pluhuri dhe gazi, kanë një rrugë të gjatë për të përshkuar para se të bëhen yje të plotë”, tha NASA, transmeton Klankosova.tv.

“L1527 nuk e gjeneron ende energjinë e tij nëpërmjet shkrirjes bërthamore të hidrogjenit, një karakteristikë thelbësore e yjeve. Forma e tij, megjithëse kryesisht sferike, është gjithashtu e paqëndrueshme, duke marrë formën e një grumbulli të vogël, të nxehtë dhe të fryrë gazi diku midis 20 dhe 40% të masës së Diellit tonë”.

NASA thotë se L1527 është vetëm rreth 100,000 vjet i vjetër, që është shumë i ri për një yll.

Me kalimin e kohës parashikohet të grumbullojë masë dhe bërthama e tij do të vazhdojë të ngjesh dhe t’i afrohet shkrirjes bërthamore.

“Në fund të fundit, kjo pamje e L1527 ofron një dritare në atë se si dukeshin Dielli dhe sistemi ynë diellor në fillimet e tyre”, tha NASA. /Klankosova.tv