Musmurati: Ministria po u bën presion DKA-ve (VIDEO)

Grevën e nisur, javën e kaluar, nuk e kanë ndërmend ta ndërprenë.

Kjo edhe përkundër thirrjes së ministres së Arsimit, Arbërie Nagavci, që mësimi të nisë më 1 shtator.

Sikur kjo e fundit po mendon edhe një kundërshtare politike nga PDK-ja.

Është drejtoresha e Arsimit në kryeqytet, Besjana Musmurati, që thotë se fëmijët nuk duhet të humbin mësimin.

“Mësimi duhet të fillojë më 1 shtator dhe ky është vendim i të gjitha komunave të Kosovës”, u shpreh ajo.

Veç se kjo po e pranon se Ministria është duke bërë presion te të gjitha drejtoritë e arsimit në komunat e vendit.

“Nuk duam kërcënime e shantazhe e aq më pak të përdoren komunat për t’i shantazhuar mësimdhënësit”, tha tutje ajo.

Prandaj, Musmurari kërkon zgjidhje të shpejtë nga SBAShK-u e MAShTI.