Mundësit rusë ia sjellin Shqipërisë dy medalje nga Lojërat Mesdhetare

Ekipi kombëtar i Shqipërisë është përfaqësuar me dy rusë në Lojërat Mesdhetare “Oran 2022” në kategorinë e mundjes.

Rusi Zemilkhan Abakarov u shpall kampion në mundje duke e mposhtur një kundërshtar egjiptian me rezultat 11-0 në peshën deri 65 kilogram, stil i lirë, transmeton Klankosova.tv.

Në anën tjetër, sukses pati edhe rusi me nënshtetësi shqiptare, Islam Dudaev, i cili e fitoi medaljen e bronztë ku e mposhti një kundërshtar nga Algjeria me rezultat 8-0.

Abakarov dhe Dudaev iu bashkuan ekipit të mundjes shqiptare në shtator të vitit 2021, ku të dy ishin shprehur të lumtur me përzgjedhjen kuqezi.