Mourinho shihet si pasardhësi i mundshëm i Dyche në Everton

Situata menaxheriale e Evertonit vazhdon të ndezë spekulime, me burime që tregojnë se Jose Mourinho është shfaqur si një “opsion i fortë” për të marrë drejtimin nga trajneri aktual Sean Dyche.

Sipas Football Insider, ardhja e mundshme e Mourinhos mund të përkojë me përfundimin e marrjes së klubit nga Dan Friedkin, gjë që e ka vënë të ardhmen e Dyche nën një vëzhgim intensiv.

Mourinho, i cili aktualisht drejton klubin turk Fenerbahce, ka një histori të fortë me Friedkin, pasi është emëruar nga ai në Romë në vitin 2021.

Pavarësisht se mori detyrën e Fenerbahçes vetëm këtë verë, burimet sugjerojnë që Mourinho nuk duhet të përjashtohet si kandidat për rolin e Evertonit, shkruan Onefootball.com, përcjell Klankosova.tv.