Mourinho krahason Osimhenin me Drogbën, por e kritikon për simulime

Trajneri i Romës, Jose Mourinho, e ka krahasuar Victor Osimhenin me sulmuesin legjendar të Chelseas, Didier Drogba.

Ky krahasim erdhi pas golit fantastik që nigeriani e realizoi ndaj klubit të portugezit, Romës, në derbin e mbrëmshëm në Serie A.

Osimheni e kishte realizuar golin e fitores në ndeshjen e kaluar në Olimpico.

Sidoqoftë, Mourinho ka kritika për yllin e Napolit sa u përket simulimeve.

“Ai është në nivel të njëjtë me Drogbën, mirëpo Didieri nuk simulonte. Nëse Viktori ndryshon, atëherë në rregull,” ka thënë Mourinho.

“Do ta blija nëse do të isha te një klub me shumë para. Sidoqoftë, nëse ai shkon një ditë në Angli, atëherë duhet të ndryshojë sepse në Itali e durojnë atë lloj sjelljeje, ndërkaq në Premier Ligë do t’i kundërviheshin keq”.