Mos e lini inteligjencën artificiale të bëjë detyrat tuaja – thotë Papa Leo

Inteligjenca artificiale mund të jetë një mjet i dobishëm për të mësuar, por mos e përdorni atë për detyrat e shtëpisë, u tha Papa Leo rreth 15 mijë të rinjve amerikanë gjatë një sesioni pyetje-përgjigje të premten.

Në një transmetim të drejtpërdrejtë me video nga Vatikani në një konferencë kombëtare të të rinjve katolikë në Indianapolis të Indianës, Leo u tha të rinjve se inteligjenca artificiale po “bëhet një nga tiparet përcaktuese të kohës sonë”, shkruan Reuters, transmeton Klankosova.tv.

“Përdorimi i inteligjencës artificiale me përgjegjësi do të thotë përdorimi i saj në mënyra që të ndihmojnë të rritesh”, tha Papa.

“Mos i kërkoni asaj të bëjë detyrat e shtëpisë për ju.”

Leo, Papa i parë amerikan, foli për rreth 40 minuta me të rinjtë në ngjarjen e parë të tillë të papatit të tij gjashtëmujor, duke iu përgjigjur pyetjeve rreth besimit katolik dhe duke dhënë këshilla se si të bëhen miq në shkollë.