Modelja 60 vjeçare që lë prapa gjithë modelet tjera (FOTO)

Ashtu si të gjitha veshjet tjera, bikinet mund t’ju ndihmojnë të shprehni dhe të paraqisni veten tuaj ashtu si ju doni.

Modelja gjashtëdhjetëvjeçare, Yazemeenah Rossi, e vërteton këtë më së miri me fotografitë e saj për kampanjën më të re, një bashkëpunim i markës së bikineve, The Dreslyn dhe asaj të rrobave të brendshme, Land of Women.

Ajo e bën plotësisht të qartë që një kompani jo domosodshmërisht ka nevojë për modele të reja për të tërhequr vëmendjen, duke na bërë të habitemi pse kjo është ende një gjë e rrallë në këtë industri, transmeton Klan Kosova.

Silueta e thjeshtë dhe e bardhë e koleksionit ka për qëllim të përqendrohet tek gratë dhe identiteti i tyre, duke u zhvendosur kështu nga “imazhet e hiper-seksualizuara”.

Kështu ka thënë për HuffPost, Brooke Taylor Corcia, themeluesja e linjës së bikineve, Dreslyn.

Dhe kur erdhi koha për të zgjedhur një modele, Rossi ishte një zgjedhje e natyrshme.

“Kjo është një grua që rrezaton shëndet dhe vitalitet. Ajo ka vetëbesim, kujdeset për veten dhe është një artiste e lindur. Kjo linjë është për të qenit një person që jeton mirë, është inteligjent, ka besim në vete dhe krejt këtë e rrezaton”, ka thënë Corcia.