Miratohet dokumenti “Udhërrëfyesi Kundër Korrupsionit dhe Financave të Paligjshme në Ballkanin Perëndimor”

Është miratuar dokumenti “Udhërrëfyesi Kundër Korrupsionit dhe Financave të Paligjshme në Ballkanin Perëndimor’’ në Konferencën Regjionale të mbajtur këtë të premte me përfaqësusesit e nivelit të lartë të qeverive nga vendet e Ballkanit Perëndimor.

Nga Kosova të pranishëm ishin Ministrja e Drejtësisë, Albulena Haxhiu, si dhe ministri i Punëve të Brendshme, Xhelal Sveçla, transmeton klankosova.tv.

Ministrja Haxhiu u shpreh se luftimi i korrupsionit dhe krimit të organizuar është ndër prioritetet kryetore të Ministrisë së Drejtësisë, për çka edhe beson se ka fituar 50% të besimit të qytetarëve në zgjedhjet e shkurtit të këtij viti.

Ndërsa në anën tjetër, Ministri i Punëve të Brendshme, Xhelal Sveçla, tha parakusht për një shtet të së drejtës dhe një shtet zhvillimor janë sundimi i ligjit dhe lufta ndaj krimit dhe korrupsionit dhe shtoi se janë të qartë në vizionin tyre në këtë drejtim.

Dokumenti është rezultat i punës së delegacioneve nga 6 vendet e Ballkanit Perëndimor dhe vjen si rezultat i dakordimeve të kryeministrave si pjesë e procesit të Berlinit.

Pjesë e kësaj konferencve ishin edhe përfaqësues nga Republika e Kosovës, Shqipërisë, Bosnja dhe Hercegovina, Mali i Zi, Maqedonia e Veriut dhe Serbia.